6-may kúni filialımızda "Ashıq esikler kúni" ótkerildi.Onda Nókis qalası XBBne qaraslı 28-sanlı mektep oqıwshıları hám mektep múǵallimleri filialımızǵa sayaxatqa keldi. Miymanlardı Jaslar menen islesiw hám ruwxıy aǵartıwshılıq bólimi baslıǵı B.Nurımbetov, filialımız professor-oqıtıwshısı T.Babajanova, assistent-oqıtıwshı A.Karimova hám 4-kurs studenti Z.Maxsetbaevlar kútip alıp, olardı filial turmısı menen tanıstırdı.
Oqıwshılar ekskursiyanı dáslep filialdıń májlisler zalınnan baslap, Inkubaciya hám akselleraciya orayında bolıp, ol jerdegi kompyuter qurılmaları, elekron taxta, shaxmat hám shashka oyınları menen tanıstı. Bunnan basqa da oqıw xanaları hám sport zalında bolıp, filialda studentlerge jaratılǵan sharayatlar hám imkaniyatlardıń guwası boldı.Kelgen mektep oqıwshıları ózlerinde IT tarawına tiyisli bolǵan sorawlar menen júzlendi hám mazmunlı juwaplar aldı.
Filialımızda bunday ekskursiyalardıń shólkemlestiriliwi, IT tarawına qızıǵıwshılıǵı bolǵan mektep oqıwshılarınıń bilimlerin elede arttırıp, tuwrı kásipke qaray baǵdarlawda úlken áhmiyetke iye.