May ayı baslanıwı menen Respublikamız boylap Qaraqalpaq ádebiyatınıń sónbes juldızları T.Qayıpbergenov hám I.Yusupovlardıń 93 jıllıģına arnalģan ádebiy ushırasıw kesheleri baslanıp ketti.
Mine, usınday poeziya keshesiniń biri búgin Respublikalıq Balalar kitapxanasında ótkerildi. Keshege filialımızdıń Telekommunikaciya texnologiyaları hám kásiplik tálim fakulteti tyutorları hám 1-kurs student-jasları, qalamızdaģı 32-33-40-28-sanlı mektep oqıwshıları, ģalaba xabar quralları wákilleri de qatnastı.
Keshe dawamında Qaraqalpaqstan Respublikasına miyneti sińgen jurnalist P.Xojamuratova menen janlı sáwbet shólkemlestirilip, onda jazıwshı hám shayırdıń ómiri haqqında bahalı pikirler aytıldı.
Ádebiy keshede mektep oqıwshıları tárepinen tayarlanģan ayaq-oyınlar qatnasıwshılar kewlinde úlken tásir qaldırıp, ózgeshe zawıq baģıshladı.