QARO'ZBРУСENG

Ózbekstan Respublikası mámleketlik gimni qabıl etilgenine 29 jıl

Búgin Muhammed al-Xorezmiy atındaǵı TITU Nókis filalında Ózbekstan Respublikası mámleketlik gimni qabıl etilgenine 29 jıl tolıwına baǵıshlanǵan ushırasıw keshesi bolıp ótti.

Keshe mámleketlik gimnimizdiń jańlawı menen baslanıp, onı filialdıń Jaslar menen islesiw, ruwxıylıq hám aǵartıwshılıq bólimi baslıǵı B.Nurımbetov ashıp berdi hám basqarıp bardı.

Ushırasıwda Ózbekstan Respublikası Jazıwshılar awqamı aǵzası, shayır, «Doslıq» ordeni iyesi Jumaniyaz Óteniyazov miymanda boldı. Ol óz sózinde shayır A.Aripov hám kompazitor M.Burxanovlardıń ómiri, dóretiwshiligi hám miynet jolları haqqında keń túrde aytıp ótti.

Ushırasıwda KI fakulteti Jaslar menen islesiw boyınsha dekan orınbasarı Sh.Baymuratov sózge shıǵıp, bárshe jıynalǵanlardı búgingi sáne menen qızǵın qutlıqladı. Mámleketlik gimnimiz hár bir insan kewline ana háyyiwi kibi kirip, watanǵa degen súyispenshilikti, mehir-muhabbattı oyatatuǵınlıǵın aytıp ótti.

Soń studentler tárepinen tayarlanǵan saxnalıq kórinisler jıynalǵanlar názerine usınıldı.