DÍQQAT TAŃLAW
1-dekabr Qaraqalpaq tiline til biyligi berilgenligine 32 jıl tolıwı múnásibeti menen TITU Nókis filialı student jasları arasında “Ana tilim – sen basqadan ayırmam” atamasında tańlaw járiyalaydı.
Tańlaw haqqında ulıwma maǵlıwmatlar:
Tańlaw 4 jónelis boyınsha ótkeriledi.
- Kreativ video qutlıqlawlar
- Shıǵarmalar tańlawı
- Kreativ fotolar jaratıw
- Tilimizdi elede en jaydırıw ushın usınıslar
1-jónelisde, qatnasıwshılar Qaraqalpaq tiline til biyligi berilgenliginiń 32-jıllıq bayramı menen gúllán xalqımızdı hámde filial jámáátin, student jaslardı kreativ túrde qutlıqlawı kerek. Bunda, qatnasıwshılar Qaraqalpaqsha milliy kiyimlerdi kiygen halda yáki Qaraqalpaqsha shıǵarmalardan paydalanǵan halda qutlıqlawlar tayarlawı ústemlik beredi.
Rolik waqtı 1 minutdan – 3 minutqa shekem bolıwı kerek.
2-jónelisde, qatnasıwshılar “Ana tilim – sen basqadan ayırmam” atamasında shıǵarmalar jazıp jollawı múmkin. Shıǵarma mazmunında tilimizdiń bay ekenligi hámde onıń maqtanıshlı tárepleri haqqında hár qıylı kórkem mısallardı keltirgen halda shıǵarmalar dóretiwi kerek.
Yáki, til qaǵıydalarınıń jaslar tárepinen qopal túrde buzılıwın sınǵa alıwlarıda múmkin.
Shıǵarma kólemi 1 betden – 5 betke shekem bolıwı kerek.
3-jónelis, bul basqıshda qatnasıwshılar statikalıq grafikalar menen islesiwshi programmalar (máselen, Photoshop yáki illustrator) járdeminde tilimizdi, milliyligimizdi uluǵlawshı kreativ fotolar jaratıwı kerek.
4-jónelisde, qatnasıwshılar tilimizdiń elede rawajlanıwı hámde jaslar arasında jánede en jayıwı ushın qanday usıllardan paydalansa elede ónimlirek bolıwı múmkin ekenligin óz pikirleri menen bayan etken halda jazıp jiberiwi kerek.
Usınıslar 2 danadan – 10 danaǵa shekem bolıwları múmkin.
Tańlaw basqıshları:
Tańlaw eki basqıshdan ibarat.
- 1. basqıshda, tańlawǵa kelip túsken materiallar tańlaw komissiya aǵzaları tárepinen kórip shıǵıladı hámde hár bir jónelis boyınsha eń jaqsı dep tabılǵan 10 material tańlap alınıp, keyingi basqıshǵa jiberiledi.
- 2. basqıshda, hár bir jónelisden 10 dana materiallar (rolik, shıǵarma, usınıs) filial telegram kanalına ashıq dawıs beriw ushın qoyıladı.
Eki basqısh juwmaǵına bola eń kóp dawıs jıynaǵan materiallar jeńimpaz dep tabıladı.
Jeńimpazlardı sıylıqlaw
Tańlawda hár bir jónelis boyınsha birinshi, ekinshi hám úshinshi orın jeńimpazları tómendegishe sıylıqlanadı:
- 1-orın iyeleri 200 000 som
- 2-orın iyeleri 150 000 som
- 3-orın iyeleri 100 000 som aqshalay sıylıq penen sıylıqlanadı.
Sonday-aq, jeńimpaz studentler menen birge belsendi qatnasqan student jaslarǵa húrmet jarlıqlar hámde estelik sawǵaları tapsırıladı.
Tańlawda qatnasıwdı qálewshi studentler ózleriniń tayarlaǵan materialların 20-noyabrge shekem @baxbergennurimbetov telegram mánziline jiberiwleri kerek.
P/S: Jeńimpazlarǵa 1-dekabr Qaraqalpaq tiline til biyligi berilgenliginiń 32 jıllıq bayramı qarsańında sıylıqları tapsırıladı.