QARO'ZBРУСENG

TITU Nókis filialı studenti «Mard oǵlon» mámleketlik sıylıǵınıń iyesi boldı

Tashkent informaciyalıq texnologiyaları universiteti Nókis filialı 4-kurs studenti  Nurniyazov Arman Arzubay ulı «Mard o’g’lon»  mámleketlik sıylıǵı menen sıylıqlandı. «Mard o’g’lon» mámleketlik sıylıq iyeleriniń hár birine bazalıq esaplaw muǵdarınıń 50 esesi muǵdarında pul sıylıǵı beriledi.

Esletip ótemiz, Arman Nurniyazov oqıwı dawamında bir neshe respublikalıq tańlawlarda jeńimpaz boldı. 2019 jılı “Innovaciyalıq ideyalar jetekshisi” kókirek nıshanı menen sıylıqlandı. 2019-2020-oqıw jılı ushın  “Beruniy” mámleketlik stipendiyasınıń iye bolǵan bolsa, 2020-2021 oqıw jılında Prezident stipendiyasınıń jeńimpazı boldı. Sonday-aq ol jıl sayın ótkeriletuǵın Matematika pán olimpiadalarında sıylı orınlardı iyelep kelmekte.