O’zbekiston Respublikasi Bosh prokuraturasining taklifiga muvofiq, Qoraqalpog’iston Respublikasi Mo’ynoq tumanining axborot-texnologiyalari sohasi bo’yicha oliy ma’lumotli kadrlarga bo’lgan ehtiyojini qondirish maqsadida 2020/2021 o’quv yilida Muxammad al-Xorazmiy nomidagi Toshkent axborot texnologiyalari universiteti Nukus filiali bakalavriatiga belgilangan davlat granti asosidagi qabul ko’rsatkichlariga qo’shimcha ravishda Mo’ynoq tumani uchun bakalavriat ta’lim yo’nalishlari kesimidagi maqsadli qabul parametrlari tasdiqlandi.
Bunda, abituriyentlar toplagan ballariga mos ravishda ballar ketma-ketligiga qat’iy rioya qilingan holda tanlov natijalariga ko’ra davlat granti asosida 20 abituriyent talabalikka tavsiya etiladi.
Maqsadli qabul parametrlari yo’nalishlar kesimida quyidagicha etib belgilangan:
Shifr | Ta’lim yo’nalishlari nomi | Davlat ganrti asosidagi qabul ko’rsatkichlari | |||
---|---|---|---|---|---|
Jami | shu jumladan | ||||
O’zbek | Qoraqalpoq | Rus | |||
Jami | 20 | 9 | 10 | 1 | |
5330300 | Axborot xavfsizligi (sohalar bo'yicha) | 2 | 1 | 1 | - |
5330501 | Kompyuter injiniringi: kompyuter injiniringi | 4 | 2 | 2 | - |
5330502 | Kompyuter injiniringi: AT-Servis | 2 | 1 | 1 | - |
5330600 | Dasturiy injiniring | 8 | 3 | 4 | 1 |
5330101 | Telekommunikasiya texnologiyalari (“Telekommunikasiyalar”) | 4 | 2 | 2 | - |