Erte tańnan Muhammed al-Xorezmiy atındaǵı TITU Nókis filialınıń bir topar student jasları hámde professor-oqıtıwshıları Moynaq rayonındaǵı Aral teńiziniń qurıǵan aymaǵında "Jasıl maydanlar" payda etiw ushın seksewil nállerin egiw hámde ishki turizmdi rawajlandırıw maqsetinde jolǵa atlandı.
Fililalımız jámáátı Moynaq rayonına jetip keldi. Saparımız basın Hákim ata Sulayman Bakırģaniy kompleksin ziyaratlawdan basladıq.
Keyin ala bolsa "Aq keme" balalar dem alıw orayında bizdi ájayip taģamlar menen kútip aldı hám Moynaq rayonındaģı keyingi mánzilimizge ájayip sazlı sáwbetler menen jol aldıq.
Fililalımız jámááti keyingi saparların Moynaq rayonı Aral teńizi tariyxı hám ashıq aspan astındaģı Kemeler qábiristanı muzeyinde dawam ettirdi. Bul jerde student-jaslar hám professor-oqıtıwshılar Moynaq rayonı tariyxı menen keńnen tanıstı. Jánede Aral teńizi tariyxı muzeyinde Moynaq rayonınıń ótmishine arnalģan tariyxiy kinofilim tamashaladı.
Moynaq rayonındaģı saparımızdıń birinshi kúnin TITU Nókis filialına qaraslı bolģan Future Muynak IT centrında juwmaqladıq. Saparımızdıń birinshi kún juwmaģında bizdi Aq keme balalar dem alıw orayında taģamlar hám ájayip koncert baģdarlaması menen kútip aldı.
Búgın erte tańnan bolsa saparımızdıń keyingi bólimine jol aldıq.
Moynaq rayonındaģı saparımız dawamında ÓzR Oliy májlis deputatları, senatorlar, QR Joqarı Keńes deputatları, ministrlikler wakilleri, JOO rektor hám direktorları menen birgelikte Moynaq rayonındaģı Ayrıqsha jaģdaylar ministrliginiń áskeriy okrugında xizmet etip atirģan áskerler menen ushırasıw bolıp ótti.
Áskerler menen ushırasıw dawamında Aral teńiziniń qurģaģan ultanında seksewil nállerin egiwde óz úleslerin qosıp atırģan áskerlerge húrmet jarlıqları hám estelik sawģaları fililalımız jámááti tárepinen tapsırıldı.