Búgingi kúnde Respublikasımızda kóplegen kiberjınayatlar, hár túrli social tarmaqlar arqalı pullardı sheship alıw sıyaqlı jınayatlar kelip shıqpaqta.
Mine usı kibi jınayatlardan student-jaslardı saqlaw, olardıń aldın alıw maqsetinde filialımız "Kompyuter injiniringi" fakultetinde "Kiberjınayatshılıqtın kelip shıģıwı hám onıń aldın alıw" atamasında ushrasıw keshesi bolıp ótti.
Kesheni fakultet Jaslar menen islesiw boyınsha dekan orınbasarı Sh.Baymuratov ashıp berdi hám basqarıp bardı. Onnan soń Qaraqalpaqstan Respublikası IIM operativ qıdırıw xizmeti kiberqáwipsizlik bólimi xizmetkeri, aga-serjant M.Urazbaev, filial Profilaktika inspektorı A.Dúysenov hám "Kompyuter sistemaları" kafedrası oqıtıwshısı J.Qdırbaevlar kiberjınayatlar haqqında túsindiriw jumısların alıp bardı.
 |
|
 |
 |
Ushrasıw dawamında studentler ózleriniń turmısında ushırap atırģan kiberjınayatlar haqqında sóz etip, olardıń aldın alıw boyınsha kóplegen maģlıwmatlarģa iye boldı.
Media topar aģzası: Zuxra Yusupbayeva