BMSh Bas Assambleyası rezolyuciyası tiykarında 11-fevral "ilim tarawındaģı hayal-qızlardıń xalıq aralıq kúni"sıpatında belgilew maqsetinde Ózbekstan Respublikası "Olima" shólkemi Qaraqalpaqstan bólimi hám Qaraqalpaqstan awıl xojalıģı hám agrotexnologiyalar institutı menen birgelikte "Qaraqalpaqstan Respublikasınıń turaqlı rawajlanıwında jas ilimpazlardıń ilimdegi iskerligi" atamasında respublikalıq ilimiy-ámeliy konferenciyası bolıp ótti.
Bul konferenciyaģa Joqarı oqıw orınları professor-oqıtıwshıları, doktorantlar, magistrler hám akademik licey, orta arnawlı kolledjlerde hátteki mekteplerde tálim alıp atırģan intalı qızlarda qatnaspaqta.
 |
 |
 |
 |
Ilimpaz hayal-qızlarımız ushın arnalģan bul konferenciyaģa Muhammed al-Xorezmiy atındaģı TITU Nókis filialınan "Sanlı texnologiyalar hám ekonomika kafedrası" assistent oqıtıwshısı Tumaeva Aygúl hám filialımızdıń 4-kurs studenti Uzaqova Miyassarlar ózleriniń ilimiy miynetleri menen belsene qatnaspaqta.
TITU Nókis filialı Baspasóz xızmeti