Muhammed al-Xorezmiy atındaģı TITU Nókis filialında "Jaslar arasında nakomaniyaģa qarsı gúresiw hám onıń aldın alıw aylıģı" sheńberinde taraw qánigeleri menen ushırasıw bolıp ótti.
Ushırasıwdı jaslar máseleleri hám ruwxıy - aģartıwshılıq isleri boyınsha direktor orınbasarı R.Óteniyazov ashıp berdi hám basqarıp bardı. Ol óz sózinde búgingidey ilim-pán tarawı rawajlanģan bir dáwirde ayrım jaslarımızdıń zıyanlı illetler menen shuģıllanıp, náshebetlik sıyaqlı awır jollarģa kirip baratırģanlıģın ókinish penen atap ótti.
Ilájģa QR IIM OQX JQB baslıģı orınbasarı polkovnik F.Dj.Matmuratov, QR IIM OQX JQB aģa mayor A.M.Ibragimov, QR IIM JQB náshebentlikke qarsı gúresiw bólimi aģa operativ wákili R.Qallibekov, Nókis qalası bas iymam Xatibi B.Razov, QR Respublikalıq AIJS ke qarsı gúresiw orayı dispenser bólimi shıpakeri Sh.Kamalova, QR. IIM JQB xızmetkeri Y. Ibragimov, Respublikalıq norkologiya ilimiy orayı Qaraqalpaqstan filialı norkolog - shıpaker Z.Nawrızbaeva, Filialdıń direktor másláhátshisi M.Kaliev, KI fakultet Jaslar menen islesiw boyınsha dekan orınbasarı Sh.Baymuratov, tyutorlar hám 4-kurs student-jasları qatnastı.
Onda sózge shıqqanlar AIV infekciyasınıń kelip shıģıwı, juqtırıw jolları hám klinik belgileri haqqında sóz etti. QR IIM OQX JQB aģa operativ wákili mayor A.Ibragimov óz sózinde elimizde aldawshılıq jınayatları kóplep ushırasıp atırģanlıģın, sonıń ishinde kiber túrdegi aldawshılıq jınayatlarınan jábirlenip qalıp atırģan puqaralarımız barshılıq ekenliginde atap ótti. Bunday jınayatshılardan awlaq bolıwda plastik karta hám telefon nomerlerge kelgen kodlardı hesh kimge bermew kerekligin aytıp, sergeklikke shaqırdı.
 |
 |
 |
 |
Taraw qánigeleri menen ótkerilgen profilaktikalıq ushırasıwdan studentler ózlerine kerekli maģlıwmatlarģa iye boldı.