Muhammed al-Xorezmiy atındaģı TITU Nókis filialı student - jaslarınıń bos waqıtların mazmunlı ótkeriw, olardıń qánigelik bilimlerin jetilistiriwge baģıshlanģan "Baģdarlamastırıwdı erkin úyreniw hám onda ushırasatuģın mashqalalar" atamasında onlayn webinar bolıp ótti.
Webinardı tájiriybeli "Data Science" mentorı, IT Park Qaraqalpaqstan filialı wákili, kòplep xalıqaralıq hám jergilikli "Programmalastırıw" tańlawları jeńimpazı, házirgi kúnde TITU magistrantı, IT Astrum Akademiyasında "Data Science" jónelisi boyınsha jumıs islep atırģan Qaraqalpaqstanlı dástúrshi Asal Alimbaeva tárepinen alıp barıldı.
Webinarģa filialımızdıń kóplegen student-jasları belsene qatnasıp, ózlerin qızıqtırģan sorawlarına juwap aldı. Shınında da, bul kibi onlayn ushırasıwlardıń tez-tezden shólkemlestiriliwi jaslardı kásibine degen ıqlasın oyatıw hám olarda jańa potivaciyalar oyatıwda ayrıqsha orın tutadı.
TITU Nókis filialı Baspasóz xızmeti