Búgin filialımızda Gúz-qıs máwsimlerine múnásip tayarlıq kòriw, puqaralardı qıstan qáwipsiz hám biyqáweter alıp shıģıw, olar arasında órt jaģdayların boldırmaw maqsetinde Miynetti qorģaw injineri A. Rzambetov tárepinen túsindiriw jumısları alıp barıldı.
Ushırasıw dawamında hár qanday jaramsız bolģan ásbap - úskenelerden, gaz oshaqlarınan úydi jılıtıw maqsetinde paydalanbaw kerekligi túsindirildi hám bul baģdarda tolıq maģlıwmatlar berildi.
Haqıyqatında da, "Órt - tilsiz jaw". Ol hesh bir shańaraqqa eskertip yáki xabar berip kelmeydi. Onnan saq bolıw ushın hár bir insannıń ózi ģana juwapker. Sonlıqtan da, qıs máwsiminde gaz úskenelerinen paydalanģanda qáwipsizlik qaģıydalarına ámel etiw bárshemizdiń baslı wazıypamız bolıp tabıladı.
TITU Nókis filiali Baspasóz xızmeti