Búgin Muhammed al-Xorezmiy atındaģı TITU Nókis filialında jıl basınan belgilengen wazıypalar boyınsha keńeytilgen májilis bolıp ótti.
Onda filialdıń bárshe professor-oqıtıwshıları, bólimler hám kafedralar baslıqları, tyutorlar, jumısshı hám xızmetkerler qatnastı. Májiliste filial direktorı t.i.d., professor B.Kaipbergenov sózge shıģıp, onda filial jámááti aldına qoyılģan bir neshe tapsırmalardı atap kórsetti.
Onda 2023-jılģa "Insanģa itibar hám sapalı bilimlendiriw jılı " dep atama beriliwi, bundaģı tiykarģı maqset bilimlendiriwdi joqarı basqıshlarģa alıp shıģıw, bul ushın professor-oqıtıwshılarģa qoyılģan talap hám bir qatar wazıypalardı aytıp ótti. Sonday-aq, bólim baslıqları hám jumısshı xızmetkerlergede jıl dawamında ámelge asırılatuģın tapsırma hám wazıypalar belgilep berildi.